ونیو مئے نا ونس واوس،ونیوتھا
ونن اوسوئے یہ کینژھا تس،ونیوتھا
چھہ تڑپاں تشنہ لب زخمی مسافر
ژہ کر یکھئ یور، دریاوس ونیو تھا
وداسی ہوند اثر ناپاں بتھیس چھی
جدائی ہوند سبب آنس ونیوتھا
چھؤ ہجرک دود اندری دأرئ ژالاں
ژہ کس پراران،دروازس ونیو تھا
ہوا ژانگیس چھؤ ژھیوراون ہیواں از
دزون چھی نا ژے پروانس ونیو تھا
گژھن آزاد کاتیا ناتواں دل
زلف مژراؤ جانانس ونیو تھا
تمس دیوانہ ساگر سرفرازس
یتھئے کنئ چاک دیون نالس ونیوتھا
ساگر سرفراز
No comments:
Post a Comment